°°°°°

Learning Site er samvinnuverkefni danska myndlistarmannsins Rikke Luther og sænska myndlistarmannsins Ceciliu Wendt. Learning Site hefur starfað frá árinu 2004 en áður voru þær Luther og Wendt meðlimir í danska hópnum N55, sem hefur starfað frá árinu 1994. Learning Site er fyrst og fremst hugsað sem vettvangur þar sem fólk með ólíkan bakgrunn, sérþekkingu og starfsreynslu getur átt í samræðum og skipst á hugmyndum, fólk sem hefur sameiginlegan áhuga á því að læra.

Í verkum Learning Site er sjónum beint að umhverfinu sem listin verður til í og verkin mótast í beinu sambandi við aðstæður á viðkomandi stað. Notast er við þann efnivið sem er þar fyrir hendi og rýnt er í jafn ólíka þætti viðkomandi samfélags og efnahagslegar aðstæður, umhverfisþætti, eignarrétt og réttindi launþega, svo dæmi séu nefnd. Luther og Wendt vinna oft í samvinnu við aðra myndlistarmenn, sem og félagsfræðinga, skipulagsfræðinga, lögfræðinga o.fl. Learning Site er meðal þátttakenda í verkefninu (Ó)sjálfstætt fólk sem er hluti af Listahátíð í Reykjavík og eru þær Luther og Wendt hingað komnar til að vinna verk í tengslum við þá sýningu.

Í fyrirlestri sínum í Listasafni Íslands munu þær ræða um hugmyndafræðina að baki Learning Site og verkum sínum og hvernig þær nota myndlistina sem verkfæri til að viða að sér og miðla þekkingu á milli ólíkra hópa. Fyrirlesturinn fer fram laugardaginn 3. mars kl. 13:00 og er aðgangur ókeypis.

http://www.learningsite.info/

°°°°°

Færeyski ljósmyndarinn Regin Weihe Dalsgaard er fæddur í Þórshöfn árið 1984. Hann hefur að mestu starfað við fréttaljósmyndun fyrir tímarit en vakti á síðasta ári mikla athygli fyrir ljósmyndaseríuna 2 mínútur sem sýnir fólk sem tekur þátt í grindhvaladrápi í Færeyjum. Grindhvalaveiðar eru ævaforn hefð í Færeyjum en þá tekur fólk úr öllum starfsstéttum sér frí frá hversdagsamstrinu til að taka þátt í veiðunum. Dalsgaard frétti fyrir tilviljun á Facebook af veiðum sem áttu sér stað á júlímorgni í fyrra og flýtti sér niður í fjöru. Hlutirnir ganga fljótt fyrir sig og eru allar myndir Dalsgaards teknar á tveggja mínútna tímabili. Það sem fangaði athygli hans voru athafnir fólksins sjálfs og því eru myndirnar allar af því en ekki hvölunum sem var verið að drepa.

Regin Dalsgaard segist alla tíð hafa verið áhugasamur um grindhvalaveiðar landa sinna en hann kýs að nálgast þetta umdeilda viðfangsefni á hlutlausan hátt. Hann sér sjálfan sig sem boðbera upplýsinga, það sé síðan annarra að taka afstöðu til veiðanna. Dalsgaard heldur fyrirlestur í Listasafni Íslands laugardaginn 17. mars kl. 13:00, sama dag og Pétur Thomsen ræðir um verk sín. Þeir Pétur og Dalsgaard eiga það sameiginlegt að fást við afar umdeild viðfangsefni sem tengjast náttúrunni en nálgast þau báðir með ákveðnu hlutleysi. Í fyrirlestrum sínum munu þeir ræða um þessa aðferðafræði sína, hvers vegna þeir kjósa að vinna verk sín með þessum hætti og hvaða álitamál þeir hafa þurft að takast á við í starfi sínu. Aðgangur er ókeypis.

°°°°°

Myndlistarmaðurinn Pétur Thomsen hefur á undanförnum árum vakið athygli fyrir ljósmyndir sínar af ólíkri náttúru sem maðurinn hefur með einum eða öðrum hætti lagt undir sig, umbreytt samkvæmt eigin þörfum. Sýning hans Imported Landscape hefur til dæmis verið sýnd víða erlendis en hún samanstendur af ljósmyndum af landsvæðinu á Kárahnjúkum eftir að virkjunarframkvæmdir hófust þar árið 2003. Verkefnin Umhverfing og Ásfjall sýna einnig umbreytingu landslags af mannavöldum, en þar myndaði Pétur þær breytingar sem urðu á náttúru í útjaðri höfuðborgarsvæðisins eftir að byggingarframkvæmdir hófust þar.

Enda þótt Pétur fjalli í þessum verkum sínum um umdeildar framkvæmdir kýs hann að nálgast viðfangsefni sitt af ákveðnu hlutleysi og skrásetur breytingarnar sem verða á viðkomandi stað með yfirveguðum hætti yfir margra ára tímabil. Pétur heldur fyrirlestur um verk sín og aðferðir laugardaginn 17. mars, sama dag og færeyski ljósmyndarinn Regin Dalsgaard ræðir um ljósmyndir sínar af grindhvaladrápi. Pétur og Dalsgaard eiga það sameiginlegt að fást við afar umdeild viðfangsefni sem tengjast náttúrunni en kjósa að nálgast þau án þess að taka afstöðu. Á fyrirlestrinum munu þeir ræða um þessa nálgun sína, hvers vegna þeir kjósa hana og hvaða álitamál þeir hafa þurft að takast á við í verkum sínum. Fyrirlesturinn hefst kl. 13:00 og er aðgangur ókeypis.

Pétur Thomsen er fæddur í Reykjavík árið 1973. Hann nam ljósmyndun í Frakklandi, fyrst við École Supérieure des Métiers Artistiques í Montpellier og síðan við École Nationale Supérieure de la Photographie (ENSP) í Arles, en þaðan lauk hann MFA-gráðu árið 2004. Pétur hefur hlotið ýmsar alþjóðlegar viðurkenningar fyrir störf sín, til að mynda hlaut hann árið 2004 LVMH-verðlaunin sem veitt eru ungum listamönnum og ári síðar var hann valinn á reGeneration-sýninguna á Musée de L’Élysée í Lausanne í Frakklandi þar sem sýnd voru verk 50 upprennandi ljósmyndara í heiminum.

http://www.peturthomsen.is/

In his lecture on Saturday, the 24th of March, Engquist will talk about a seminar, book and exhibition-project in Bombay and Stockholm aimed at puncturing the presupposition that a ‘slum’ is mere desperation and chaos. Affirming the warmth, creativity and organizational capacity in slums around the world, the projects can be described as investigations into how art and architecture can contribute to social and political change. The curatorial team of the exhibition in Bombay consisted of Jonatan Habib Engqvist, Anna Erlandson, Maria Lantz and Michele Masucci. It had concrete goals: to increase knowledge about informal living in cities all over the world; to suggest more participatory, complex and inclusive descriptions of the urban poor; and to work toward increased infrastructure in informal areas by searching for new collaborations and networks. By allowing the voice of the informal to speak, they hoped to build an inclusive space for negotiation and communication, both inside and outside the traditional contexts of contemporary art. The lecture starts at 13:00 PM and entrance is free of charge.

°°°°°

Jonatan Habib Engquist starfar sem listheimspekingur, rithöfundur, ritstjóri og sýningarstjóri og er búsettur í Stokkhólmi. Hann hefur unnið að ýmsum alþjóðlegum sýningum og verkefnum undanfarin ár og m.a. starfað sem sýningarstjóri á Moderna museet, við Södertörn-háskólann og við Kungliga Kunsthögskolan í Svíþjóð. Engquist er sýningarstjóri sýningaraðarinnar (Ó)sjálfstætt fólk sem er hluti af Listahátíð í Reykjavík, en þar verður sjónum beint að samspili grasrótarstarfs og safna í norrænni myndlist.

Á fyrirlestri sínum í Listasafni Íslands mun Jonatan Habib Engquist ræða um afar áhugavert verkefni sem hann vann að í samvinnu við aðra í fátækrahverfinu Dharavi í Bombay og í Stokkhólmi. Markmið verkefnisins, sem bar heitið Dharavi: Documenting Informalities, var að auka þekkingu á óhefðbundinni búsetu í stórborgum, auka þátttöku íbúa í fátækrahverfum í borgarsamfélaginu og vinna að bættu grunnskipulagi í slíkum hverfum með því að leita nýrra samstarfsleiða. Engquist ræðir um það hvernig unnið var að þessum markmiðum í gegnum verkefnið sjálft, sýningar, hönnun og uppsetningu á bókinni og hvaða áhrif verkefnið hafði. Fyrirlesturinn fer fram laugardaginn 24. mars kl. 13:00 og er aðgangur ókeypis.

°°°°°

Myndlistarmaðurinn Rúrí (f. 1951) hefur í nær fjóra áratugi staðið framarlega í fylkingu íslenskra listamanna í gjörningalist, innsetningum, rafrænum miðlum og höggmyndagerð. Hún vakti fyrst athygli fyrir áhrifamikla gjörninga sem höfðu sterka pólitíska skírskotun en verk hennar áttu síðar eftir að þróast í átt að fínlegri og persónulegri myndlist þar sem náttúra og óendanleiki, örskotsstund og tímaleysi voru skilgreind með nýjum hætti með hverfulum verkum.

Hverfulleiki náttúrunnar og hegðun mannsins gagnvart umhverfi sínu hefur lengi verið Rúrí hugleikið viðfangsefni. Rúrí er afdráttarlaus og beinskeytt í verkum sínum og fara skilaboðin tæplega fram hjá neinum þeim sem skoðar verk á borð við Archive – Endangered Waters frá árinu 2003. Verkið var fyrst sýnt í íslenska skálanum á Feneyjatvíæringnum það ár en það samanstendur af járnvirki sem geymir 52 gegnsæjar litskyggnur sem sýna íslenska fossa sem allir voru í hættu vegna áætlana um virkjanir hálendisins. Verkið er á meðal þeirra tæplega 100 verka sem eru á yfirlitssýningu Rúríar á Listasafni Íslands, en hún stendur yfir dagana 2. mars til 6. maí.

Á fyrirlestrinum mun Rúrí ræða með hvaða hætti hún nálgast umhverfistengd málefni og í hvaða ljósi hún sér hlutverk listamannsins. Fyrirlesturinn verður haldinn laugardaginn 24. mars kl. 13:00 og er aðgangur ókeypis.

http://www.ruri.is/

Combining the tools of new and traditional media, Urbonas’s work frequently involves collective activities such as workshops, lectures, debates, TV programs, Internet chat-rooms and public protests that stand at the intersection of art, technology and social criticism. The Urbonas are the cofounders of JUTEMPUS interdisciplinary art program, VILMA (Vilnius Interdisciplinary Lab for Media Art), and VOICE, a net based publication on media culture. Their works were exhibited at the Sao Paulo, Berlin, Moscow, Lyon and Gwangju and Venice Biennales, Manifesta and Documenta exhibitions – among numerous other international shows, including a solo show at MACBA in Barcelona. Gediminas Urbonas is an Associate Professor in the Art, Culture and Technology Program at MIT. Nomeda Urbonas is Ph.D. researcher at Norwegian University for Science and Technology. They are among participants in the exhibition (In)dependant People that is a part of the Reykjavík Arts Festival 2012.

In their lecture at the National Gallery on Saturday, the 31st of March, Nomeda and Gediminas Urbonas will talk about the research project UTO-PIA that was a part of the international contemporary art exhibition Contemporary Art Archipelago in 2011. In it Nomeda and Gediminas Urbonas worked with experimental media and communication techniques to map heterotopias – spaces that are remote and simultaneously next to us, the places that are connected and disconnected at the same time. The lecture starts at 13:00 and entrance is free of charge.

°°°°°

Nomeda og Gediminas Urbonas eru þekkt fyrir verkefni sín sem kanna með fjölþættum hætti ýmsar þær deilur og mótsagnir sem efnahagslegar, samfélagslegar og pólitískar aðstæður í Sovétríkjunum sálugu hafa fætt af sér. Þau nota myndlistina sem vettvang fyrir samskipti og þátttöku ólíkra samfélagshópa, kalla með verkum sínum fram ólíkar raddir og vilja með þeim hætti örva menningarlegt og pólitískt ímyndunarafl á hverjum stað fyrir sig. Verk þeirra fela í sér áhugaverða notkun bæði hefðbundinna og óhefðbundinna miðla og fela þau oft í sér vinnusmiðjur, fyrirlestra, umræður, sjónvarpsþætti, spjallþræði á vefnum og jafnvel mótmæli. Þannig standa verkefni Nomedu og Gediminas Urbonas á mörkum myndlistar, tækni og samfélagslegrar gagnrýni.

Í fyrirlestri sínum á Panora munu þau fjalla um verkefnið UTO-PIA sem fjallar um Eystrasaltið og hvernig ólíkir þættir sem tengjast ríkjunum við það mætast þar á hafsbotninum. Verkefnið teygði sig í margar spennandi áttir, allt frá bændum sem hafa helgað starf sitt framleiðslu á lífrænni sauðamjólk yfir í neðanjarðarbyrgi frá tímum kalda stríðsins og þaðan til ostagerðar á Krít, svo fátt eitt sé nefnt.

Gediminas Urbonas starfar sem dósent við MIT-háskólann í Boston og Nomeda Urbonas vinnur að rannsóknum við NTNU-háskólann í Þrándheimi. Þau taka þátt í sýningunni (Ó)sjálfstætt fólk sem er hluti af Listahátíð í Reykjavík. Fyrirlestur þeirra í Listasafni Íslands verður haldinn laugardaginn 31. mars kl. 13:00 og er aðgangur ókeypis.

http://nugu.lt/

Uto-Pia

°°°°°

Norski myndlistarmaðurinn Jana Winderen afhjúpar í verkum sínum hljóðheim sem er okkur mannfólkinu hulinn en þekur engu að síður 70% plánetunnar. Með nýjustu tækni hefur Winderen m.a. dregið fram hljóð djúpt af sjávarbotni ólíkra heimshluta og hljóð úr dýpstu jökulsprungum á Grænlandi, Íslandi og í Noregi. Hún segist sjálf kunna að meta hversu óáþreifanleg hljóðverk séu og þykir sá eiginleiki þeirra gera þau opin fyrir hvers kyns beina og óbeina upplifun og skynjun áheyrenda.

Winderen útskrifaðist frá Goldsmiths-háskólanum í Lundúnum en hafði áður numið stærðfræði og efnafræði við Óslóarháskóla. Frá árinu 1993 hefur hún starfað sem listamaður, sýningarstjóri og framleiðandi. Winderen vinnur hljóðverk sín með ýmsum hætti, flytur þau beint, notar þau sem hluta af innsetningum o.s.frv. Á fyrirlestrinum mun Winderen ræða um verk sín, hvatann að baki þeim og flytja eitt af hljóðverkum sínum fyrir gesti.

http://www.janawinderen.com/

Around 1850 Aron met Hinrik Rink, a Danish geographer that had been collecting Greenlandic folk tales. Rink got Aron to illustrate the stories and the results were published in the book Grønlandske Folkesagn in 1859. Most of Aron’s work was moved to Copenhagen and preserved at the National Museum in Denmark. In the 1980’s the people of Greenland got back this national treasure and now Aron’s drawings are preserved at the National Gallery in Greenland.

Bergsveinn Þórsson will speak about Aron, his works and its position in the Greenlandic cultural heritage, in relation to the complex relationship between knowledge and power, art and politics. Þórsson is a museologist with a background in art history and educational theory. He works as a project manager for the educational department at the Reykjavík City Museum. His lecture takes place on Saturday, the 5th of May, and starts at 13:00 PM. Entrance is free of charge.

°°°°°

Bergsveinn Þórsson safnafræðingur mun í fyrirlestri sínum fjalla um grænlenska myndlistarmanninn Aron frá Kangeq (1822-1869). Aron ólst upp sem veiðimaður og stundaði þá iðju allt þar til hann veiktist af berklum. Hann snéri sér þó fljótlega að vinnu aftur en þá varð myndlistin fyrir valinu, teikningar, málverk og útskurður. Verk hans gegna mikilvægu hlutverki í grænlenskri menningarsögu, en í þeim má finna sjónarhorn heimamanns á samfélag sitt á nítjandu öld. Í verkunum má meðal annars finna einstaka sjónræna skrásetningu á kynnum inúíta og skandinava. Uppúr 1850 komst Aron í kynni við Hinrik Rink, danskan eftirlitsmann sem hafði verið að safna grænlenskum þjóðsögum og reyndist Aron drjúgur í þessarri vinnu bæði við að safna saman sögum og myndskreyta þær. Afrakstur samstarfs þeirra varð svo bókin Grönlandske Folkesagn sem gefin var út af Godthaab árið 1859. Flest verk Arons voru flutt til Kaupmannahafnar til varðveislu í danska þjóðminjasafninu. Það var svo á 9. áratug síðustu aldar sem að Grænlendingar endurheimtu þessi menningarverðmæti sín frá danska konungsríkinu. Verkin eru nú varðveitt á Listasafninu í Nuuk.

Bergsveinn mun flytja fyrirlestur um Aron, arfleifð hans og stöðu innan grænlenska þjóðararfsins, m.a. með hliðsjón af tengslum þekkingar og valds, listar og pólitíkur. Bergsveinn er safnafræðingur að mennt með grunn í list- og kennslufræðum og starfar sem verkefnastjóri í fræðsludeild á Minjasafni Reykjarvíkurborgar